Ársfundur SUMS

Ársfundur SUMS verður haldinn 16. mars n.k.í Hringsal Landspítala við Hringbraut. Fundurinn hefst kl. 16.10

Aðalfundarboð


Ársfundi SUMS lokið

Guðbjörg Pálsdóttir formaður fór yfir nýliðið ár sem var sögulegt að þvi leyti að sárasamtökin urðu 10 ára á árinu. Á ráðstefnunni 17. október '14 var metþátttaka en um 170 þátttakendur sóttu ráðstefnuna.


Ársfundur SUMS

Ársfundur SUMS verður haldinn 9. mars kl. 16.15 í Hringsal Landspítala við Hringbraut.

Aðalfundarboð

Sáralæknir frá USA


Ársfundur 19. mars

Ársfundur samtakanna var haldinn 19. mars s.l. og mættu 46 manns á fundinn sem telst mjög góð mæting.

Byrjað var á hefðbundnum aðalfundarstörfum. Vilborg Hafsteinsdóttir ritari stýrði fundi. Guðbjörg Pálsdóttir formaður flutti tölu um starfsemi samtakanna á liðnu ári, Jóna Kristjánsdóttir gjaldkeri fór yfir endurskoðaða reikninga félagsins. Engar lagabreytingar komu fram.

Guðbjörg og Jóna luku setu í stjórn SUMS en gáfu báðar kost á sér áfram. Var það samþykkt einróma.

Íris Hansen hjúkrunarfræðingur gaf kost á sér til varamanns í stjórn og ekkert mótframboð barst. Íris er því sjálfkjörin og býður stjórn SUMS hana velkomna til starfa.

Veittir voru tveir rannsókna/verkefnastyrkir. Styrkþegar SUMS 2014 eru: Aðalbjörg Sigurjónsdóttir og Lára Guðríður Guðgeirsdóttir nemar í hjúkrunarfræði við HÍ og Guðný Einarsdóttir hjúkrunarfræðingur og meistaranemi.

Fræðsluerindi fluttu þau Bergþóra Karlsdóttir, Guðbjörg Pálsdóttir, Magnea Gylfadóttir og Tómas Þór Ágústsson.


Ársfundur SUMS

Miðvikudaginn 19. mars n.k. verður Ársfundur og fræðslufundur SUMS haldinn í Hringsal Landspítala við Hringbraut.

Auk hefðbundinna aðalfundarstarfa verða flutt tvö fræðsluerindi, Tómas Þór Ágústsson innkirtla- og efnaskiptalæknir fjallar um sykursýkissár og og kynnt verður tilfelli - sykursýkissár. Bergþóra Karlsdóttir hjúkrunarfræðingur hefur tekið saman í samráði við Guðbjörgu Pálsdóttur sérfræðing í hjúkrun.

Ársfundur - dagskrá


Ekki missa af þessu tækifæri!

Við minnum á fræðslufundinn á mánudag, þar sem okkur býðst að hlusta á frábæra fræðimenn á sviði sárameðferðar.

Fræðslufundurinn er í samvinnu við Kerecis.

Fjallað er um bláæðasár, sykursýkisár, vandamál við krónísk sár, húðvandamál og incontinence.

Fylgiskjal: auglýsing.

Látið sem flesta vita af þessu - aðgangur ókeypis.

Fræðslufundurinn hefst kl 16.15 en aukaaðalfundur SUMS byrjar 16.00.


Aukaaðalfundur og fræðslufundur mánudaginn 23. september 2013

Heimsþekktir fræðimenn á sviði sárameðferðar verða með erindi á fræðslufundi SUMS í Hringsal, mánudaginn 23. september 2013


Ársfundur 2013

Ársfundur SUMS (aðalfundur og fræðsla) verður verður haldinn í Hringsal Landspítala Hringbraut, miðvikudaginn 13. mars og hefst kl. 16:15.

Auk hefðbundinna aðalfundarstarfa, verða erindi um sárasogsmeðferð.

Að venju verða styrktaraðilar með sýningu á vörum sínum.

Sjá nánar í dagskrá (pdf).

Vonumst til að sjá ykkur öll og takið með ykkur gesti.


Ársfundur 2012

Ársfundur SUMS (aðalfundur og fræðsla) verður verður haldinn í Hringsal Landspítala Hringbraut, miðvikudaginn 21. mars og hefst kl. 16:15.

Á ársfundi eru hefbundin aðalfundarstörf og hefur vægi fræðslu verið aukið.

Að venju verða styrktaraðilar með sýningu á vörum sínum.

Sjá nánar í dagskrá (pdf).

Vonumst til að sjá ykkur öll og takið með ykkur gesti.


Aðalfundur 2011

Aðalfundurinn verður haldinn í Hringsal Landspítala Hringbraut, miðvikudaginn 16. mars og hefst kl. 16:15.

Auk hefðbundinna aðalfundarstarfa verða flutt tvö spennandi fræðsluerindi og vörusýningar styrktaraðila.

Sjá nánar í dagskrá (pdf)

Vonumst til að sjá ykkur öll og takið með ykkur gesti.


Aðalfundarboð 2010

Aðalfundurinn verður haldinn í Hringsal Landspítala Hringbraut, miðvikudaginn 17. mars og hefst kl. 16:15.

Auk hefðbundinna aðalfundarstarfa verður kynning á Sáramiðstöð Landspítala og tvö fræðsluerindi.

Sjá nánar í dagskrá.

Vonumst til að sjá ykkur öll og takið með ykkur gesti.


Aðalfundur SUMS 2009

Aðalfundur samtakanna var haldinn á Heilbrigðisstofnun Suðurlands 18. mars s.l.


Aðalfundur 2009

Aðalfundur samtakanna verður haldinn 18. mars n.k. á Heilbrigðisstofnun Suðurlands, Selfossi og hefst kl. 16:45.


Aðalfundarboð

Aðalfundur SUMS verður haldinn 12. mars n.k. í Hringsal Landspítala (Barnaspítala Hringsins, gengið inn að sunnan).

Venjubundin aðalfundarstörf.

Flutt tvö fræðsluerindi.


Aðalfundur SUMS

Aðalfundur SUMS verður haldinn 12. mars í Hringsal Landspítala við Hringbraut.

Nánar auglýst síðar.


Aðalfundi lokið

Um 40 manns sóttu aðalfundinn sem haldinn var í Hringsal LSH. 14. mars. Fundarstjóri aðalfundar var Elín H. Laxdal æðaskurðlæknir.


Aðalfundur 2007

Aðalfundur SumS verður haldinn 14. mars n.k. í Hringsal LSH (Hringsalur er í Barnaspítala Hringsins, gengið inn að sunnan). Venjubundin aðalfundarstörf þar sem tvær lagabreytingar verða lagðar fram. Einnig verða flutt tvö fræðsluerindi.


Samantekt frá aðalfundi 2006

Aðalfundur SumS var haldinn í blíðskaparveðri á Akureyri þann 17. mars s.l. Um 40 manns sóttu aðalfundinn og hlýddu á fræðsluerindi sem flutt voru að loknum aðalfundi.

Sjá nánar PDF-skjal


Aðalfundurinn 2006

Nú líður að aðalfundi SumS fyrir árið 2006, sem að þessu sinni verður haldinn á Akureyri.

Auk hefðbundinna aðalfundarstarfa, verða flutt þrjú erindi um sár og sárameðferð.


Aðalfundur 2005

Aðalfundur SumS var haldinn þann 15. mars s.l. í Hringsal LSH.
Um 40 manns mættu á fundinn.

Dagskrá aðalfundar var samkvæmt lögum SumS.

Varaformaður bauð gesti velkomna og setti fundinn.

Fyrsta mál á dagskrá var kosning fundarstjóra og fundarritara.

Stungið var upp á Aðalheiði K. Þórarinsdóttur sem fundarstjóra og Guðbjörgu Pálsdóttur sem fundarritara og var það samþykkt.

Skýrsla stjórnar um starfsemi félagsins:

Varaformaður flutti skýrslu stjórnar.

Á fyrsta fundi eftir stofnfund, skipti stjórn með sér verkum:

  • Jón Hjaltalín Ólafsson var kosinn formaður á stofnfundi
  • Jóna Kristjánsdóttir var kosin varaformaður,
  • Guðbjörg Pálsdóttir ritari
  • Karl Logason gjaldkeri og
  • Aðalheiður K. Þórarinsdóttir meðstjórnandi
  • Varamenn eru þau:
  • Herborg Ívarsdóttir og Már Kristjánsson

Stjórn SumS hefur haldið 4 fundi frá stofnun og m.a. hafa verið rætt fyrstu skref samtakanna.

Allir stjórnarmeðlimir hafa mikinn metnað fyrir hönd samtakanna en eru sammála um nauðsyn þess að byrja rólega og í fyrstu var ákveðið að einblína á:

  • aðalfundinn og fá þar inn tvö góð fræðsluerindi
  • koma á fót heimasíðu.

Tveir stjórnarmeðlima hafa óskað eftir að draga sig í hlé.

Á fyrsta fundi óskaði Aðalheiður K. Þórarinsdóttir eftir að ganga úr stjórn þar sem hún er að hefja nám að nýju. Jón Hjaltalín Ólafsson dró sig einnig í hlé sökum anna í sínum störfum. Varamenn komu inn í stjórn í staðinn.

Þökkum við þeim gott samstarf og hjálp við undirbúning og stofnun SumS.

Lagabreytingar

Ekki komu fram neinar tillögur um breytingar á lögum.

Endurskoðaðir reikningar félagsins lagðir fram

Karl Logason gjaldkeri lagði fram stöðu samtakanna um síðustu áramót. Samtökin eiga 283.741 kr.

Formannskosning

Þar sem núverandi formaður Jón Hjaltalín Ólafsson hefur dregið sig í hlé, þurfti að kjósa nýjan formann og var stungið upp á Karli Logasyni æðaskurðlækni sem næsta formanni Sums. Var það einróma samþykkt.

Kosning stjórnar

Stungið var upp á stjórnarmönnum SumS, Guðbjörgu Pálsdóttur, Herborgu Ívarsdóttur, Jónu Kristjánsdóttur og Má Kristjánssyni sem öll höfðu gefið kost á sér. Einróma samþykkt.

Kosning varamanna

Elín Ólafsdóttir húðlæknir og Hanna Þórarinsdóttir hjúkrunarfræðingur

Kosning tveggja skoðunarmanna reikninga

Tilnefnd voru þau Ásta Thoroddsen og Einar Hjaltason. Var það samþykkt.

Árgjöld félagsmanna og styrktaraðila ákveðin

Stungið var upp á að félagsgjöld fyrir árið 2005 yrðu 2000 kr. og árgjöld styrktaraðila 50.000 kr. Samþykkt.

Önnur mál

Heimasíða samtakanna kynnt og formlega tekin í notkun. Var það varaformaður SumS sem tók síðuna í notkun.

Fundargestir lýstu ánægju sinni með síðuna og þótti hún bæði falleg og vel gerð.

Að loknum aðalfundarstörfum fengu fundarmenn sér kaffi og skoðuðu hvað styrktaraðilarnir höfðu til sýnis fyrir framan fundarsalinn.

Að kaffihléi loknu var komið að tveimur fræðsluerindum.

Baldur Tumi Baldursson húðsjúkdómalæknir með erindið "Húðbitaflutningur til að flýta lækningu sára" og Karl Logason með erindið "Yfirborðsbláæðaaðgerðir á fólki með fótasár".


Birta allar fréttir