Hér eru nokkrar myndir frá ráðstefnunni okkar núna í nóv 
Takk allir sem komu að henni, fyrirlesarar, styrktaraðilar, fundarstjóri og allir gestir. Án ykkar væri þetta ekki hægt.
Búið er að opna fyrir skráningu á haustráðstefnu SUMS sem verður haldinn föstudaginn 3. nóvember.
Skráningarsíðan er hér: Skráning á ráðstefnu SUMS 2023.
Stjórn Samtaka um sárameðferð á Íslandi (SUMS) auglýsir tvo styrki, hvor að verðgildi allt að 250 þúsund krónum.
Styrkirnir eru veittir verkefnum eða rannsóknum sem stuðla að bættri sárameðferð á Íslandi og samræmast markmiðum SUMS.
Umsækjendur þurfa að vera meðlimir í samtökunum og skuldbinda sig til að kynna verkefnin /rannsóknirnar á ráðstefnu eða aðalfundi SUMS.
Styrkir eru ekki veittir til ráðstefnuferða nema ef viðkomandi fer til að kynna verkefni í formi erindis eða veggspjalds.
Í umsókn þarf að koma fram:
- Nafn
- Kennitala
- Heimilisfang
- Sími
- Staða
- Vinnustaður
- Menntunargráða
- Heiti verkefnis
- Stutt lýsing verkefnis / rannsóknar (markmið, aðferðir, gildi fyrir sárameðferð á Íslandi)
- Samstarfsaðilar
- Áætluð lok verkefnis / rannsóknar
- Kostnaðaráætlun
Fylgiskjöl: Leyfi frá persónuvernd og siðanefnd þarf að liggja fyrir þar sem það á við.
Umsóknir skal senda sem fylgiskjal (pdf form) á sums2004@gmail.com
Umsóknarfrestur er til 22. Október 2023.
Styrkþegar verða kynntir á haustráðstefnu SUMS 3. nóvember.
Nánari upplýsingar má fá með því að senda póst á sums2004@gmail.com
Við þökkum kærlega fyrir frábæra ráðstefnu. Án fyrirlesara, gesta og sérlega styrktaraðila hefði þessi frábæri dagur ekki geta orðið. Hlökkum til að endurtaka leikinn föstudaginn 3.nóvember 2023, allir að taka daginn frá 😉
Jæja, þá er loksins skráningarsíðan okkar komin í gagnið. Allir geta núna skráð sig á ráðstefnuna 11.nóvember 2022. Því miður er dagskráin ekki alveg tilbúin, verið er að staðfesta síðustu fyrirlesarana og hún ætti að koma í ljós fyrir vikulok. Erindin sem verða eru þó alls ekki af verri endanum og dagskráin mjög efnileg. Dæmi um umfjöllunarefni eru sinus pil, stóma, bruni og aflimanir. Allir að skrá sig hér og fylgjast vel með framvindu mála. Hlökkum til að hitta ykkur á Hilton Reykjavík Nordica í bana stuði. https://events.bizzabo.com/SUMS2022/home
Þá er komin tímasetning á ráðstefnuna okkar sem verður föstudaginn 11. nóvember næstkomandi. Geggjuð dagskrá allan daginn og góðar veitingar. Allir að taka daginn frá 😉
Hér er hægt að skrá sig á haustráðstefnu SUMS
Haustráðstefna SUMS verður föstudaginn 5. nóvember á Hótel Hilton. Þemað í ár er óvenjuleg sár. Dagskráin er tilbúin og mikil tilhlökkun geta haldið ráðstefnu eftir svo langa bið.
08:00-08:30 Skráning og afhending gagna
08:30-08:35 Setning ráðstefnu
08:35-09:05 Atypisk sár- Baldur Tumi Baldursson húðsjúkdómalæknir
09:05-09:35 Sinafellsbólga með drepi og gasdrep (Necrotising fasciitis og gas gangrene)- Már Kristjánsson smitsjúkdómalæknir
09:35-09:45 Afhending styrkja
09:45-10:15 Kaffi og vörukynningar
10:15-10:40 Hreint eða ekki hreint- Berglind Guðrún Chu sérfræðingur í hjúkrun
10:40-11:05 Á eigin skinni; geta hraustir einstaklingar fengið þrýstingssár? – Hulda Margrét Valgarðsdóttir hjúkrunarfræðingur
11:05-11:30 Meðferð húðágræðslusvæða- Halla Fróðadóttir lýtalæknir
11:30-11:55 Ör og örameðferð – Jenna Huld Eysteinsdóttir húðsjúkdómalæknir
11:55-13:00 Matur og vörukynningar
13:00-13:25 Skipta umbúðir máli?- Guðný Einarsdóttir hjúkrunarfræðingur
13:25-13:50 Mat á sárum- hvað er mikilvægt? – Elva Rún Rúnarsdóttir, hjúkrunarfræðingur
13:50-14:30 Umræður um sár og sárameðferð
14:30-15:00 Andri Ívarsson skemmtir í lok dags
Fundarstjóri: Kristín Sæmundsdóttir hjúkrunarfræðingur
Verð: 12500 kr fyrir félagsmenn, 5500 kr fyrir nema, 21500kr fyrir utanfélagsmenn
16. haustráðstefnu SUMS er nú lokið. Þemað í ár var langvinn sár, ráðstefnan var vel sótt og við fengum að heyra mörg áhugaverð erindi. Anna Steinsen hjá KVAN sló svo á létta strengi í lok dags.
Styrktaraðilar sáum um áhugaverðar kynningar á sárameðferðarvörum í matar og kaffihléi.
Tveir rannsóknar og verkefnastyrkir voru veittir. Það voru þær Ástríður Pétursdóttir og Hulda Margrét Valgarðsdóttir sem fengu styrkina í ár, 200 þús kr hvor styrkur. Við óskum þeim til hamingju og hlökkum til að heyra af verkefnum þeirra.
Við þökkum fyrirlesurum, styrktaraðilum og ráðstefnugestum kærlega fyrir komuna og vonum að allir hafi átt ánægjulegan dag með okkur.
Ljósmyndir frá ráðstefnunni eru komnar inn á síðuna og eru í flipa merktur “efni” – ljósmyndir hér fyrir ofan.