Hin árlega haustráðstefna SUMS verður haldin föstudaginn 31. október. Að venju verður dagskráin fjölbreytt og stútfull af fræðandi erindum um sár og sárameðferð. Erlendi fyrirlesarinn í ár er Dr. Kirsi Isoherranen. Hún er fráfarandi forseti EWMA, húðlæknir og yfirlæknir Sáramiðstöðvar Háskólasjúkrahússins í Helsinki. Hún hefur áratuga reynslu og leiðir bæði klínísk störf og rannsóknir á þessu sviði.
Takið daginn frá og við látum vita um leið og skráningarsíðan fer í loftið.
Við auglýsum glæsilegt námskeið í hjúkrunarfræðilegri meðferð krabbameinssára. Það verður haldið í sal Félags Íslenskra Hjúkrunarfræðinga mánudaginn 20.nóvember frá kl. 13:00-16:00. Við erum svo heppin að fá erlendan gest Betinu Lund-Nielsen sérfræðing í hjúkrun sjúklinga með krabbameinssár og því er námskeiðið á ensku. Það eru aðeins 35 pláss þannig að fyrstur kemur fyrstur fær. Greiðsla jafngildir skráningu, sjá frekar á: https://www.hjukrun.is/vidburdir/medferd-krabbameinssara
Búið er að opna fyrir skráningu á haustráðstefnu SUMS sem verður haldinn föstudaginn 3. nóvember.
Skráningarsíðan er hér: Skráning á ráðstefnu SUMS 2023.
Stjórn SUMS boðar til ársfundar SUMS sem verður haldinn miðvikudaginn 15. mars kl 16:15 í Hringsal.
Boðið verður upp á tvö áhugaverð erindi um bruna og brunameðferðir.
Allir velkomnir!
Jæja, þá er loksins skráningarsíðan okkar komin í gagnið. Allir geta núna skráð sig á ráðstefnuna 11.nóvember 2022. Því miður er dagskráin ekki alveg tilbúin, verið er að staðfesta síðustu fyrirlesarana og hún ætti að koma í ljós fyrir vikulok. Erindin sem verða eru þó alls ekki af verri endanum og dagskráin mjög efnileg. Dæmi um umfjöllunarefni eru sinus pil, stóma, bruni og aflimanir. Allir að skrá sig hér og fylgjast vel með framvindu mála. Hlökkum til að hitta ykkur á Hilton Reykjavík Nordica í bana stuði. https://events.bizzabo.com/SUMS2022/home
Þá er komin tímasetning á ráðstefnuna okkar sem verður föstudaginn 11. nóvember næstkomandi. Geggjuð dagskrá allan daginn og góðar veitingar. Allir að taka daginn frá 😉
Ársfundur SUMS verður haldinn miðvikudaginn 11. maí kl 16.15 í Hringsal. Auk hefðbundinna aðalfundarstarfa verða tvö áhugaverð erindi. Andri Már Þórarinsson lýtalæknir fjallar um sinus pil og Magali B Mouy hjúkrunarfræðingur fjallar um súrefnismeðferð. Í kaffihléi verða vörukynningar frá styrktaraðilum. Allir velkomnir. Hlökkum til að sjá ykkur.
Hér er hægt að skrá sig á haustráðstefnu SUMS