Þá er komin tímasetning á ráðstefnuna okkar sem verður föstudaginn 11. nóvember næstkomandi. Geggjuð dagskrá allan daginn og góðar veitingar. Allir að taka daginn frá 😉

Ársfundur SUMS verður haldinn miðvikudaginn 11. maí kl 16.15 í Hringsal. Auk hefðbundinna aðalfundarstarfa verða tvö áhugaverð erindi. Andri Már Þórarinsson lýtalæknir fjallar um sinus pil og Magali B Mouy hjúkrunarfræðingur fjallar um súrefnismeðferð. Í kaffihléi verða vörukynningar frá styrktaraðilum. Allir velkomnir. Hlökkum til að sjá ykkur.

Það styttist í ráðstefnu evrópsku sárasamtakanna. Frábær vettvangur til að dýpka þekkingu sína og auka tengslanetið sitt við fólk með sama áhugasvið. Það er ódýrara skráningargjald til 28. apríl. Allir að skrá sig og mæta. Sjá frekari upplýsingar hjá heimasíðu samtakanna, https://ewma.org/ewma-conferences/2022

Í dag er alþjóðadagur þrýstingssáravarna. Höldum daginn hátíðlegan. Munum eftir HAMUR verklaginu og aðstoðum alla sem eiga í erfiðleikum með hreyfingu að hagræða sér. Frekari upplýsingar má finna hjá samtökum Evrópsku þrýstingssáravarna https://www.epuap.org/


Stjórn Samtaka um sárameðferð á Íslandi (SUMS) auglýsir þrjá styrki, hver að verðgildi allt að 200 þúsund krónum.
Styrkirnir eru veittir verkefnum eða rannsóknum sem stuðla að bættri sárameðferð á Íslandi og samræmast markmiðum SUMS.
Umsækjendur þurfa að vera meðlimir í samtökunum og skuldbinda sig til að kynna verkefnin /rannsóknirnar á ráðstefnu eða aðalfundi SUMS.
Styrkir eru ekki veittir til ráðstefnuferða nema ef viðkomandi fer til að kynna verkefni í formi erindis eða veggspjalds.


Í umsókn þarf að koma fram:
• Nafn
• Kennitala
• Heimilisfang
• Sími
• Staða
• Vinnustaður
• Menntunargráða
• Heiti verkefnis
• Stutt lýsing verkefnis / rannsóknar (markmið, aðferðir, gildi fyrir sárameðferð á Íslandi)
• Samstarfsaðilar
• Áætluð lok verkefnis / rannsóknar
• Kostnaðaráætlun


Fylgiskjöl: Leyfi frá persónuvernd og siðanefnd þarf að liggja fyrir þar sem það á við.


Umsóknir skal senda sem fylgiskjal (pdf form) á sums2004@gmail.com
Umsóknarfrestur er til 25. október 2021
Styrkþegar verða kynntir á haustráðstefnu SUMS 5. nóvember.

Nánari upplýsingar má fá með því að senda póst á sums2004@gmail.com

Haustráðstefna SUMS verður föstudaginn 5. nóvember á Hótel Hilton. Þemað í ár er óvenjuleg sár. Dagskráin er tilbúin og mikil tilhlökkun geta haldið ráðstefnu eftir svo langa bið.

SKRÁNING

08:00-08:30       Skráning og afhending gagna

08:30-08:35       Setning ráðstefnu

08:35-09:05       Atypisk sár- Baldur Tumi Baldursson húðsjúkdómalæknir

09:05-09:35       Sinafellsbólga með drepi og gasdrep (Necrotising fasciitis  og gas gangrene)- Már Kristjánsson smitsjúkdómalæknir

09:35-09:45       Afhending styrkja

09:45-10:15      Kaffi og vörukynningar

10:15-10:40       Hreint eða ekki hreint-  Berglind Guðrún Chu sérfræðingur í hjúkrun

10:40-11:05       Á eigin skinni; geta hraustir einstaklingar fengið þrýstingssár? –  Hulda Margrét Valgarðsdóttir hjúkrunarfræðingur

11:05-11:30       Meðferð húðágræðslusvæða- Halla Fróðadóttir lýtalæknir

11:30-11:55       Ör og örameðferð –  Jenna Huld Eysteinsdóttir húðsjúkdómalæknir

11:55-13:00       Matur og vörukynningar 

13:00-13:25       Skipta umbúðir máli?- Guðný Einarsdóttir hjúkrunarfræðingur 

13:25-13:50       Mat á sárum- hvað er mikilvægt? – Elva Rún Rúnarsdóttir, hjúkrunarfræðingur

13:50-14:30       Umræður um sár og sárameðferð

14:30-15:00       Andri Ívarsson skemmtir í lok dags

Fundarstjóri: Kristín Sæmundsdóttir hjúkrunarfræðingur

Verð: 12500 kr fyrir félagsmenn,  5500 kr fyrir nema,  21500kr  fyrir utanfélagsmenn

Ársfundur og tveir áhugaverðir fyrirlestrar um sár og sárameðferð

Á morgun fimmtudaginn 20. maí verða samtök um sárameðferð SUMS með sinn árlega aðalfund í Hringsal kl 16:15.

Eftir hefðbundin aðalfundarstörf verða tveir áhugaverðir fyrirlestar. Gunnar Auðólfsson lýtalæknir verður með fyrirlestur um lokaða áverka og svo mun Berglind Chu sérfræðingur í hjúkrun vera með fyrirlestur um áhrif hlífðarbúnaðar á starfsfólk.

Dagskrá:

16:15 Aðalfundarstörf

16:40. “Högg og Klemma” Gunnar Auðólfsson lýtalæknir

17:10 “Hjúkrun Covid-19 sjúklinga á legudeildum Landspítala: Áhrif hlífðarbúnaðar” Berglind Chu sérfræðingur í hjúkrun

Allir eru hjartanlega velkomnir