Nýjasta útgáfan af tímaritinu Journal of Wound Management er með áherslur á húðrifur. Eitthvað sem verður á vegi flestra sama hvar þeir vinna.
Stjórn Sárasamtakanna vill minna á að reikningur fyrir árgjaldi félagsmanna er kominn í heimabankann en kann að finnast undir valgreiðslur.
Ársfundur/ráðstefna Evrópsku sárasamtakanna er núna handan við hornið. Alltaf gaman að fá sér aukna þekkingu á sviði sárameðferðar. Mælum með 
Þá er komin tímasetning á ráðstefnuna okkar sem verður föstudaginn 11. nóvember næstkomandi. Geggjuð dagskrá allan daginn og góðar veitingar. Allir að taka daginn frá 😉
Ársfundur SUMS verður haldinn miðvikudaginn 11. maí kl 16.15 í Hringsal. Auk hefðbundinna aðalfundarstarfa verða tvö áhugaverð erindi. Andri Már Þórarinsson lýtalæknir fjallar um sinus pil og Magali B Mouy hjúkrunarfræðingur fjallar um súrefnismeðferð. Í kaffihléi verða vörukynningar frá styrktaraðilum. Allir velkomnir. Hlökkum til að sjá ykkur.
Það styttist í ráðstefnu evrópsku sárasamtakanna. Frábær vettvangur til að dýpka þekkingu sína og auka tengslanetið sitt við fólk með sama áhugasvið. Það er ódýrara skráningargjald til 28. apríl. Allir að skrá sig og mæta. Sjá frekari upplýsingar hjá heimasíðu samtakanna, https://ewma.org/ewma-conferences/2022
Í dag er alþjóðadagur þrýstingssáravarna. Höldum daginn hátíðlegan. Munum eftir HAMUR verklaginu og aðstoðum alla sem eiga í erfiðleikum með hreyfingu að hagræða sér. Frekari upplýsingar má finna hjá samtökum Evrópsku þrýstingssáravarna https://www.epuap.org/
Stjórn Samtaka um sárameðferð á Íslandi (SUMS) auglýsir þrjá styrki, hver að verðgildi allt að 200 þúsund krónum.
Styrkirnir eru veittir verkefnum eða rannsóknum sem stuðla að bættri sárameðferð á Íslandi og samræmast markmiðum SUMS.
Umsækjendur þurfa að vera meðlimir í samtökunum og skuldbinda sig til að kynna verkefnin /rannsóknirnar á ráðstefnu eða aðalfundi SUMS.
Styrkir eru ekki veittir til ráðstefnuferða nema ef viðkomandi fer til að kynna verkefni í formi erindis eða veggspjalds.
Í umsókn þarf að koma fram:
• Nafn
• Kennitala
• Heimilisfang
• Sími
• Staða
• Vinnustaður
• Menntunargráða
• Heiti verkefnis
• Stutt lýsing verkefnis / rannsóknar (markmið, aðferðir, gildi fyrir sárameðferð á Íslandi)
• Samstarfsaðilar
• Áætluð lok verkefnis / rannsóknar
• Kostnaðaráætlun
Fylgiskjöl: Leyfi frá persónuvernd og siðanefnd þarf að liggja fyrir þar sem það á við.
Umsóknir skal senda sem fylgiskjal (pdf form) á sums2004@gmail.com
Umsóknarfrestur er til 25. október 2021
Styrkþegar verða kynntir á haustráðstefnu SUMS 5. nóvember.
Nánari upplýsingar má fá með því að senda póst á sums2004@gmail.com