Aðalfundurinn verður haldinn í Hringsal Landspítala Hringbraut, miðvikudaginn 17. mars og hefst kl. 16:15.

Auk hefðbundinna aðalfundarstarfa verður kynning á Sáramiðstöð Landspítala og tvö fræðsluerindi.

Sjá nánar í dagskrá.

Vonumst til að sjá ykkur öll og takið með ykkur gesti.

Aðalfundur samtakanna var haldinn á Heilbrigðisstofnun Suðurlands 18. mars s.l.

Herborg Ívarsdóttir varaformaður setti fundinn og flutti skýrslu stjórnar.

Félagar í SUMS voru 157 í árslok 2008.

Már Kristjánsson gjaldkeri lagði fram reikninga stjórnar og standa samtökin vel.

Ákveðið var að árgjöld félagsmanna og styrktaraðila skyldu vera óbreytt.

Lagabreytingar.

Tvær lagabreytingar voru lagðar fram, annars vegar er varðar nýtt merki samtakanna og hitt er varðar skammstöfun á nafni SUMS erlendis.

(sjá nánar í aðalfundarboði)

Báðar tillögurnar voru samþykktar.

Breyting á stjórn samtakanna.

Þrír gengu úr stjórn SUMS að þessu sinni, þau Herborg Ívarsdóttir sem gaf ekki kost á sér áfram, Karl Logason sem gaf kost á sér sem varamaður og Már Kristjánsson sem gaf kost á sér til áframhaldandi setu í stjórn.

Tvö framboð til stjórnarsetu höfðu borist, frá Vilborgu Hafsteinsdóttur og Þórhildi Sigtryggsdóttur.

Vilborg er hjúkrunarfræðingur á Heilsugæslunni Firði í Hafnarfirði og Þórhildur er læknir á Heilsugæslunni Sólvangi í Hafnarfirði.

Frekari framboð komu ekki fram og því var stjórnin sjálfkjörin og nýir stjórnarmeðlimir boðnir velkomnir.

Einn varamaður gekk úr stjórn og í ár var það Elín Ólafsdóttir, húðsjúkdómalæknir. Hún gaf ekki kost á sér áfram. Karl Logason, læknir sem hætti í aðalstjórn gaf kost á sér sem varamaður.

Frekari framboð til varamanns bárust ekki og Karl var því sjálfkjörinn.

Í stjórn sitja því til næsta aðalfundar

Aðalfundur samtakanna verður haldinn 18. mars n.k. á Heilbrigðisstofnun Suðurlands, Selfossi og hefst kl. 16:45.

Sjá dagskrá aðalfundar

Leiðarvísir að sjúkrahúsinu

Best er að ganga inn um nýja aðalinnganginn og niður í kjallara til vinstri.

Lagabreytingar

Breyting 1

Stjórn SUMS leggur fram tillögu um breytingu á merki (lógó) samtaka um sárameðferð á Íslandi. Núverandi merki var hannað við undirbúning að stofnun samtakanna og síðan gerðar lítilsháttar breytingar á því á aðalfundi 2007. Nýja merkið.

Breyting 2

Sjá lög SUMS 1. grein

Breyta erlendri skammstöfun samtaka um sárameðferð úr IWHS í SUMS

A loknum aðalfundi verður kaffihlé og styrktaraðilar SUMS kynna vörur sínar og að lokum flutt tvö fræðsluerindi. Vonumst við til að sjá sem flesta félagsmenn í SUMS á aðalfundinum.

kveðja stjórn SUMS

Aðalfundur SUMS verður haldinn 12. mars n.k. í Hringsal Landspítala (Barnaspítala Hringsins, gengið inn að sunnan).

Venjubundin aðalfundarstörf.

Flutt tvö fræðsluerindi.

Dagskrá aðalfundar SUMS 2008.

Aðalfundur SUMS verður haldinn 12. mars í Hringsal Landspítala við Hringbraut.

Nánar auglýst síðar.

Aðalfundur SumS verður haldinn 14. mars n.k. í Hringsal LSH. Fundurinn hefst kl. 16.15. Sjá [dagskrá aðalfundar](/docs/dagskra_adalfundur_2007.pdf “Dagskrá aðalfundar 2007”).Bornar verða fram tvær lagabreytingar, vinsamlega kynnið ykkur lagabreytingarnar. Sjá [lagabreytingar](/docs/lagabreytingar_2007.pdf “Lagabreytingar fyrir aðalfund 2007”).Að loknum aðalfundi verða flutt tvö fræðsluerindi. Bjarni Torfason hjartaskurðlæknir ætlar að fræða okkur um vaxtarþætti trombocyta og sárameðferð.Hjúkrunarfræðingar á Æðaskurðdeild B-6 á LSH ætla að segja okkur frá reynslu sinni af VAC meðferð sem er að verða æ algengari þáttur í sárameðferð.Styrktaraðilar SumS munu kynna sínar vörur.Vonandi sjá félagsmenn í SUMS sér fært að mæta.kveðja stjórn SumS

Nú líður að aðalfundi SumS fyrir árið 2006, sem að þessu sinni verður haldinn á Akureyri.

Auk hefðbundinna aðalfundarstarfa, verða flutt þrjú erindi um sár og sárameðferð.

Auglýsing vegna aðalfundar SumS 2006

Aðalfundur SumS var haldinn þann 15. mars s.l. í Hringsal LSH.
Um 40 manns mættu á fundinn.

Dagskrá aðalfundar var samkvæmt lögum SumS.

Varaformaður bauð gesti velkomna og setti fundinn.

Fyrsta mál á dagskrá var kosning fundarstjóra og fundarritara.

Stungið var upp á Aðalheiði K. Þórarinsdóttur sem fundarstjóra og Guðbjörgu Pálsdóttur sem fundarritara og var það samþykkt.

Skýrsla stjórnar um starfsemi félagsins:

Varaformaður flutti skýrslu stjórnar.

Á fyrsta fundi eftir stofnfund, skipti stjórn með sér verkum:

  • Jón Hjaltalín Ólafsson var kosinn formaður á stofnfundi
  • Jóna Kristjánsdóttir var kosin varaformaður,
  • Guðbjörg Pálsdóttir ritari
  • Karl Logason gjaldkeri og
  • Aðalheiður K. Þórarinsdóttir meðstjórnandi
  • Varamenn eru þau:
  • Herborg Ívarsdóttir og Már Kristjánsson

Stjórn SumS hefur haldið 4 fundi frá stofnun og m.a. hafa verið rætt fyrstu skref samtakanna.

Allir stjórnarmeðlimir hafa mikinn metnað fyrir hönd samtakanna en eru sammála um nauðsyn þess að byrja rólega og í fyrstu var ákveðið að einblína á:

  • aðalfundinn og fá þar inn tvö góð fræðsluerindi
  • koma á fót heimasíðu.

Tveir stjórnarmeðlima hafa óskað eftir að draga sig í hlé.

Á fyrsta fundi óskaði Aðalheiður K. Þórarinsdóttir eftir að ganga úr stjórn þar sem hún er að hefja nám að nýju. Jón Hjaltalín Ólafsson dró sig einnig í hlé sökum anna í sínum störfum. Varamenn komu inn í stjórn í staðinn.

Þökkum við þeim gott samstarf og hjálp við undirbúning og stofnun SumS.

Lagabreytingar

Ekki komu fram neinar tillögur um breytingar á lögum.

Endurskoðaðir reikningar félagsins lagðir fram

Karl Logason gjaldkeri lagði fram stöðu samtakanna um síðustu áramót. Samtökin eiga 283.741 kr.

Formannskosning

Þar sem núverandi formaður Jón Hjaltalín Ólafsson hefur dregið sig í hlé, þurfti að kjósa nýjan formann og var stungið upp á Karli Logasyni æðaskurðlækni sem næsta formanni Sums. Var það einróma samþykkt.

Kosning stjórnar

Stungið var upp á stjórnarmönnum SumS, Guðbjörgu Pálsdóttur, Herborgu Ívarsdóttur, Jónu Kristjánsdóttur og Má Kristjánssyni sem öll höfðu gefið kost á sér. Einróma samþykkt.

Kosning varamanna

Elín Ólafsdóttir húðlæknir og Hanna Þórarinsdóttir hjúkrunarfræðingur

Kosning tveggja skoðunarmanna reikninga

Tilnefnd voru þau Ásta Thoroddsen og Einar Hjaltason. Var það samþykkt.

Árgjöld félagsmanna og styrktaraðila ákveðin

Stungið var upp á að félagsgjöld fyrir árið 2005 yrðu 2000 kr. og árgjöld styrktaraðila 50.000 kr. Samþykkt.

Önnur mál

Heimasíða samtakanna kynnt og formlega tekin í notkun. Var það varaformaður SumS sem tók síðuna í notkun.

Fundargestir lýstu ánægju sinni með síðuna og þótti hún bæði falleg og vel gerð.

Að loknum aðalfundarstörfum fengu fundarmenn sér kaffi og skoðuðu hvað styrktaraðilarnir höfðu til sýnis fyrir framan fundarsalinn.

Að kaffihléi loknu var komið að tveimur fræðsluerindum.

Baldur Tumi Baldursson húðsjúkdómalæknir með erindið “Húðbitaflutningur til að flýta lækningu sára” og Karl Logason með erindið “Yfirborðsbláæðaaðgerðir á fólki með fótasár”.