,

Ársfundur SUMS og ný stjórn

Ársfundur SUMS var haldinn 11. mars s.l. Hann var vel sóttur og voru þrjú góð fræðsluerindi flutt ásamt vörukynningum frá styrktaraðilum okkar.

Tveir stjórnarmeðlimir hættu í stjórn í ár en það eru þær Guðbjörg Pálsdóttir sérfræðingur í hjúkrun og Kristín Haraldsdóttir læknir. Guðbjörg hefur verið í stjórn SUMS frá upphafi og er einn af stofnendum SUMS. Við þökkum þeim báðum innilega fyrir þeirra framlag að starfi SUMS sem er ómetanlegt.

Tvær buðu sig fram í stjórn en það eru þær Elísa Jóhannesdóttir læknir og Vigdís Friðriksdóttir sérfræðingur í hjúkrun. Við bjóðum þær velkomnar og hlökkum til samstarfsins.

Hér fyrir neðan má sjá myndir frá ársfundinum ásamt mynd af fráfarandi stjórnarmeðlimum með nýju stjórninni.

Stjórnina skipa því nú

Ingibjörg Guðmundsdóttir forstöðuhjúkrunarfræðingur á Landspítala, formaður SUMS

Elísa Jóhannesdóttir sérnámslæknir á Landspítala

Elva Rún Rúnarsdóttir sérfræðingur í hjúkrun á Landspítala

Helena Rut Jónsdóttir, hjúkrunarfræðingur á heilsugæslunni Salahverfi

Tómas Þór Ágústsson, framkvæmdastjóri lækninga á Landspítala

Vigdís Friðriksdóttir, sérfræðingur í hjúkrun á Landspítala

Þórgunnur Birgisdóttir, hjúkrunarfræðingur og deildarstjóri á dag-og göngudeild skurðlækninga á Sjúkrahúsinu á Akureyri

Hér má sjá Ingibjörgu Guðmundsdóttur formann SUMS með Kristínu Haraldsdóttur og Guðbjörgu Pálsdóttur. Þökkum þeim fyrir vel unnin störf fyrir SUMS.

Hér má sjá fráfarandi stjórn ásamt nýju stjórninni

Frá vinstri: Tómas, Kristín, Vigdís, Elva, Helena, Elísa, Ingibjörg, Guðbjörg og Þórgunnur.

Aðrar myndir frá fundinum

, ,

Ársfundur SUMS

Ársfundur SUMS verður 11. mars n.k kl 16:15 í Hringsal á Landspítala (Barnaspítalanum). Hér fyrir neðan má sjá dagskrá fundarins. Allir velkomnir.

, ,

Skráning hafin á haustráðstefnuna

Hægt er að skrá sig á ráðstefnuna með að fara að ýta á þennan tengil https://events.bizzabo.com/sums2025. Þar má sjá dagskrá og upplýsingar um fyrirlesara. Hlökkum til að sjá sem flesta.

, ,

Verkefna og rannsóknarstyrkur SUMS

Stjórn Samtaka um sárameðferð á Íslandi (SUMS) er mjög stolt af því að geta boðið upp á tvo styrki, hvor að verðgildi allt að 250.000 krónur, til verkefna eða rannsókna sem stuðla að bættri sárameðferð á Íslandi og samræmast markmiðum samtakanna.

Með þessum styrkjum viljum við styðja við bakið á þeim sem leggja sitt af mörkum til að efla þekkingu, nýsköpun og faglega þróun á sviði sárameðferðar.

Umsækjendur þurfa að vera meðlimir í samtökunum og skuldbinda sig til að kynna verkefnin /rannsóknirnar á ráðstefnu eða aðalfundi SUMS. 

Styrkir eru ekki veittir til ráðstefnuferða nema ef viðkomandi fer til að kynna verkefni í formi erindis eða veggspjalds.

Í umsókn þarf að koma fram:

  • Nafn
  • Kennitala
  • Heimilisfang
  • Sími
  • Staða
  • Vinnustaður
  • Menntunargráða
  • Heiti verkefnis
  • Stutt lýsing verkefnis / rannsóknar (markmið, aðferðir, gildi fyrir sárameðferð á Íslandi)
  • Samstarfsaðilar
  • Áætluð lok verkefnis / rannsóknar
  • Kostnaðaráætlun

Fylgiskjöl: Leyfi frá persónuvernd og siðanefnd þarf að liggja fyrir þar sem það á við.

Umsóknir skal senda sem fylgiskjal (pdf form) á sums2004@gmail.com 

Umsóknarfrestur er til 15. október 2025.

Styrkþegar verða kynntir á haustráðstefnu SUMS 31. október 2025.

Nánari upplýsingar má fá með því að senda póst  á sums2004@gmail.com 

, ,

Haustráðstefna SUMS 2025

Hin árlega haustráðstefna SUMS verður haldin föstudaginn 31. október. Að venju verður dagskráin fjölbreytt og stútfull af fræðandi erindum um sár og sárameðferð. Erlendi fyrirlesarinn í ár er Dr. Kirsi Isoherranen. Hún er fráfarandi forseti EWMA, húðlæknir og yfirlæknir Sáramiðstöðvar Háskólasjúkrahússins í Helsinki. Hún hefur áratuga reynslu og leiðir bæði klínísk störf og rannsóknir á þessu sviði.
Takið daginn frá og við látum vita um leið og skráningarsíðan fer í loftið.

,

Haustráðstefna SUMS

Búið er að opna fyrir skráningu á ráðstefnuna okkar sem verður haldin föstudaginn 25. október n.k.

Hægt er að skrá sig hér

Hlökkum til að sjá sem flesta

,

Haustráðstefna SUMS

Ráðstefna okkar verður 25.október n.k. Hér má sjá dagskrá ráðstefnunar. Opnað verður fyrir skráningu fljótlega hér á sums.is

,

Ný stjórn SUMS

Ársfundurinn okkar var haldin 13 mars sl. þar var ný stjórn kosin.  Nýjar inn í stjórn eru Elva Rún Rúnarsdóttir hjúkrunarfræðingur og Kristín Haraldsdóttir læknir. Fráfarandi stórnarmenn eru Berglind Guðrún Chu og Iris Hansen hjúkrunarfræðingar.

Ný stjórn hefur skipt með sér störfum og er eftirfarandi:

Elva Rún Rúnarsdóttir samfélagsmiðlastjóri
Guðbjörg Pálsdóttir meðstjórnandi
Ingibjörg Guðmundsdóttir formaður
Kristín Haraldsdóttir ritari
Lilja Gunnarsdóttir meðstjórnandi
Tómas Þór Ágústsson meðstjórnandi
Þórgunnur Birgisdóttir gjaldkeri

Read more
, ,

Myndir frá ársfundinum 2024

Við þökkum kærlega fyrir samveruna á síðasta ársfundi. Sérstakar þakkir fá fyrirlesarar, fundarstjóri og styrktaraðilar. Hér eru nokkrar myndir af deginum, og af nýrri og þáverandi stjórn samtakanna.