Fótasáralykill Sáramiðstöðvar LSH sem fjarlægður var 4. mars s.l. vegna breytinga á lyklinum, hefur verið settur inn aftur undir “Fræðsluefni” og hér fyrir neðan.

Fótasáralykill

Fyrsti stjórnarfundur eftir aðalfund var haldinn 7. apríl s.l. þar sem stjórnin skipti með sér verkum:

Stjórn SUMS:

  • Guðbjörg Pálsdóttir, formaður
  • Már Kristjánsson, varaformaður
  • Jóna Kristjánsdóttir, gjaldkeri
  • Vilborg Hafsteinsdóttir, ritari
  • Þórhildur Sigtryggsdóttir, meðstjórnandi.

Er þetta óbreytt frá síðasta ári.

Varamenn eru þau, Bergþóra Karlsdóttir og Karl Logason.

Unnur Þormóðsdóttir gaf ekki kost á sér áfram sem varamaður. Þökkum við henni samstarfið.

Bergþóra Karlsdóttir kemur ný inn og bjóðum við hana velkomna í stjórn SUMS.

Þeim vandræðum sem við höfum átt með hýsingu heimasíðu SUMS er nú lokið.

Búið er að fá íslenskan aðila til að hýsa síðuna og er hún nú hraðvirkari en nokkru sinni áður.

Vonandi að hún geti því sinnt hlutverki sínu betur hér eftir.

Aðalfundurinn verður haldinn í Hringsal Landspítala Hringbraut, miðvikudaginn 17. mars og hefst kl. 16:15.

Auk hefðbundinna aðalfundarstarfa verður kynning á Sáramiðstöð Landspítala og tvö fræðsluerindi.

Sjá nánar í dagskrá.

Vonumst til að sjá ykkur öll og takið með ykkur gesti.

Fótasáralykill frá Sáramiðstöð Landspítala hefur tímabundið verðið fjarlægður vegna breytinga.

Heimasíða SUMS hefur verið óvirk í nokkurn tíma vegna bilunar hjá hýsingaraðila síðunnar erlendis. Nú er þetta komið í lag. Biðjumst við velvirðingar á þessu og vonum að þessi bilun hafi ekki valdið ykkur óþægindum.

Framundan er aðalfundur SUMS sem haldinn verður 17. mars kl. 16:15 í Hringsal Landspítala við Hringbraut. Auk hefðbundinna aðalfundarstarfa verða áhugaverð erindi.

Takið daginn frá !

Stjórn SUMS kom saman í vor og skipti með sér verkum næsta tímabil.

Guðbjörg Pálsdóttir er formaður

Már Kristjánsson varaformaður

Jóna Kristjánsdóttir gjaldkeri

Vilborg Hafsteinsdóttir ritari og

Þórhildur Sigtryggsdóttir meðstjórnandi.

Varamenn: Karl Logason og Unnur Þormóðsdóttir

Opnað hefur verið fyrir skráningu á ráðstefnu SUMS

Ráðstefnan verður haldin á Grand Hóteli 25. september n.k.

Dagskráin verður heldur viðameiri en venjulega vegna þess að samtökin fagna 5 ára afmæli sínu á þessu ári, en þau voru stofnuð 28. október 2004.

Við fáum m.a. til okkar tvo góða gesti, Bo Jörgensen yfirlækni og Prófessor Finn Gottrup lækni frá Bispebjerg sjúkrahúsinu í Kaupmannahöfn.

Finn Gottrup kom hér haustið 2004 og veitti góð ráð við undirbúning og stofnun samtakanna.

Það er von okkar að við sjáum sem flesta af félagsmönnum okkar á ráðstefnunni.

Ráðstefnugjöldin eru óbreytt frá fyrri árum:

  • 5.000 kr. fyrir félaga í SUMS
  • 9.000 kr. fyrir aðra en félaga
  • 3.000 kr. fyrir nema

Minnum félagsmenn á að þeir sem ekki hafa greitt árgjaldið fyrir árið 2009 þurfa að greiða fullt gjald inn á ráðstefnuna en það er 9000 kr. Leiki vafi á hvort árgjaldið hafi verið greitt er hægt er að fá upplýsingar hjá stjórn SUMS á sums2004@gmail.com

Skráningu lýkur 23. september

Dagskrá

Aðalfundur samtakanna var haldinn á Heilbrigðisstofnun Suðurlands 18. mars s.l.

Herborg Ívarsdóttir varaformaður setti fundinn og flutti skýrslu stjórnar.

Félagar í SUMS voru 157 í árslok 2008.

Már Kristjánsson gjaldkeri lagði fram reikninga stjórnar og standa samtökin vel.

Ákveðið var að árgjöld félagsmanna og styrktaraðila skyldu vera óbreytt.

Lagabreytingar.

Tvær lagabreytingar voru lagðar fram, annars vegar er varðar nýtt merki samtakanna og hitt er varðar skammstöfun á nafni SUMS erlendis.

(sjá nánar í aðalfundarboði)

Báðar tillögurnar voru samþykktar.

Breyting á stjórn samtakanna.

Þrír gengu úr stjórn SUMS að þessu sinni, þau Herborg Ívarsdóttir sem gaf ekki kost á sér áfram, Karl Logason sem gaf kost á sér sem varamaður og Már Kristjánsson sem gaf kost á sér til áframhaldandi setu í stjórn.

Tvö framboð til stjórnarsetu höfðu borist, frá Vilborgu Hafsteinsdóttur og Þórhildi Sigtryggsdóttur.

Vilborg er hjúkrunarfræðingur á Heilsugæslunni Firði í Hafnarfirði og Þórhildur er læknir á Heilsugæslunni Sólvangi í Hafnarfirði.

Frekari framboð komu ekki fram og því var stjórnin sjálfkjörin og nýir stjórnarmeðlimir boðnir velkomnir.

Einn varamaður gekk úr stjórn og í ár var það Elín Ólafsdóttir, húðsjúkdómalæknir. Hún gaf ekki kost á sér áfram. Karl Logason, læknir sem hætti í aðalstjórn gaf kost á sér sem varamaður.

Frekari framboð til varamanns bárust ekki og Karl var því sjálfkjörinn.

Í stjórn sitja því til næsta aðalfundar

Aðalfundur samtakanna verður haldinn 18. mars n.k. á Heilbrigðisstofnun Suðurlands, Selfossi og hefst kl. 16:45.

Sjá dagskrá aðalfundar

Leiðarvísir að sjúkrahúsinu

Best er að ganga inn um nýja aðalinnganginn og niður í kjallara til vinstri.

Lagabreytingar

Breyting 1

Stjórn SUMS leggur fram tillögu um breytingu á merki (lógó) samtaka um sárameðferð á Íslandi. Núverandi merki var hannað við undirbúning að stofnun samtakanna og síðan gerðar lítilsháttar breytingar á því á aðalfundi 2007. Nýja merkið.

Breyting 2

Sjá lög SUMS 1. grein

Breyta erlendri skammstöfun samtaka um sárameðferð úr IWHS í SUMS

A loknum aðalfundi verður kaffihlé og styrktaraðilar SUMS kynna vörur sínar og að lokum flutt tvö fræðsluerindi. Vonumst við til að sjá sem flesta félagsmenn í SUMS á aðalfundinum.

kveðja stjórn SUMS