Aðalfundur SumS verður haldinn 14. mars n.k. í Hringsal LSH. Fundurinn hefst kl. 16.15. Sjá [dagskrá aðalfundar](/docs/dagskra_adalfundur_2007.pdf “Dagskrá aðalfundar 2007”).Bornar verða fram tvær lagabreytingar, vinsamlega kynnið ykkur lagabreytingarnar. Sjá [lagabreytingar](/docs/lagabreytingar_2007.pdf “Lagabreytingar fyrir aðalfund 2007”).Að loknum aðalfundi verða flutt tvö fræðsluerindi. Bjarni Torfason hjartaskurðlæknir ætlar að fræða okkur um vaxtarþætti trombocyta og sárameðferð.Hjúkrunarfræðingar á Æðaskurðdeild B-6 á LSH ætla að segja okkur frá reynslu sinni af VAC meðferð sem er að verða æ algengari þáttur í sárameðferð.Styrktaraðilar SumS munu kynna sínar vörur.Vonandi sjá félagsmenn í SUMS sér fært að mæta.kveðja stjórn SumS
Annarri ráðstefnu SumS er lokið og sóttu yfir 100 manns ráðstefnuna að þessu sinni. Erindin voru fjölbreytt og fræðandi, þakkar stjórn SumS fyrirlesurum kærlega fyrir þeirra framlag og ráðstefnugestum fyrir þann mikla áhuga sem þeir sýndu.
Einn nýr styrktaraðili bættist í hóp þeirra sem styðja við bakið á sárasamtökunum, en það er Stoð hf. Eru þeir boðnir velkomnir í hópinn.
Eins og á fyrri ráðstefnu var fyrirlestrunum ekki dreift á staðnum heldur ákveðið að setja þá inn á heimasíðuna undir Fræðsluefni.
Minnt skal á að hver fyrirlestur er eign þess aðila sem flutti hann og eru þeir eingöngu ætlaðir til fróðleiks en ekki til notkunar við kennslu nema að fengnu leyfi höfunda.
Stjórn SumS ákvað að bjóða til umsóknar tvo styrki fyrir veturinn 2006-2007, hvor að verðgildi 100.000 kr., til rannsókna/verkefna er tengjast því markmiði félagsins að stuðla að aukinni þekkingu á sáragræðslu og sárameðferð.
Ein umsókn barst og uppfyllti hún skilyrði stjórnar SumS.
Styrkþeginn er Guðný Einarsdóttir, 4. árs nemi við hjúkrunarfræðideild Háskóla Íslands.
Guðný hefur verið félagi í SumS frá upphafi. Guðný hyggst koma upp heimasíðu þar sem verður efni tengt lokaverkefni hennar sem er fræðileg úttekt á efnum og umbúðum sem notuð eru til hreinsunar sára. Óskum við Guðnýju innilega til hamingju með styrkinn og óskum henni góðs gengis.
Nú er mánuður í ráðstefnu SumS sem haldin verður 27. október n.k.
Búið er að opna fyrir skráningu hér á síðunni efst til vinstri.
Dagskráin er í stórum dráttum tilbúin en endanleg dagskrá mun liggja fyrir fljótlega í október.
Einn erlendur fyrirlesari verður á ráðstefnunni, Deborah Hofman klínískur sérfræðingur í hjúkrun. Er mikill fengur að komu hennar á ráðstefnuna.
Stjórn SumS hefur ákveðið að veita tvo styrki, hvor að verðgildi 100.000 kr. til rannsókna/verkefna er tengjast því markmiði félagsins að stuðla að aukinni þekkingu á sáragræðslu og sárameðferð.
Þeir sem áhuga hafa, geta sótt um styrkinn hér á heimasíðunni
Umsóknarfrestur er til 15. október og verða styrkþegar kynntir á ráðstefnu SumS sem haldin verður á Hótel Loftleiðum 27. október n.k.
Á þingi evrópsku sárasamtakanna (EWMA) sem haldið var í Prag í maí 2006 var vakin athygliá mikilvægi þess að sameina þekkingu og færni heilbrigðisstarfsmanna við greiningu ogmeðferð sára á einn stað. Margvíslegar vísbendingar komu fram á þinginu sem benda tilþess að víða sé pottur brotinn í almennri þekkingu heilbrigðis-starfsmanna á mismunandiorsökum sára og meðhöndlun þeirra.[Sáramóttaka á LSH](/uploads/Hugrenningar um stofnun sáramóttöku á LSH.pdf)
Aðalfundur SumS var haldinn í blíðskaparveðri á Akureyri þann 17. mars s.l. Um 40 manns sóttu aðalfundinn og hlýddu á fræðsluerindi sem flutt voru að loknum aðalfundi.
Sjá nánar PDF-skjal
Nú líður að aðalfundi SumS fyrir árið 2006, sem að þessu sinni verður haldinn á Akureyri.
Auk hefðbundinna aðalfundarstarfa, verða flutt þrjú erindi um sár og sárameðferð.
Á ársfundi dönsku sárasamtakana eru veittir ýmsir styrkir sem einstaklingum sem vinna við sár og sárameðferð gefst kostur á að sækja um. Einnig veitir fyrirtækið 3M heiðursstyrk árlega, en ekki er hægt að sækja um hann, aðeins að vera tilnefndur til. Í úthlutunarnefnd þess styrkjar situr m.a. Finn Gottrup prófessor sem var gestur okkar á stofnfundi SumS.
Heiðursstyrk þenna má veita einstaklingi sem hefur
- unnið markvisst að fyrirbyggingu og meðhöndlun sára
- lagt sig sérstaklega fram um að efla þekkingu og skilning á sárameðferð.
Nokkrir félagar SumS voru sammála um að innan okkar vébanda væri einstaklingur sem uppfyllti þessi skilyrði og ætti skilið að fá viðurkenningu fyrir framlag sitt til þessara mála. Því var send inn tilnefning og fékkst svar við henni 26 október s.l.
Guðbjörgu Pálsdóttur hjúkrunarfræðingi hjá Heilsugæslunni í Reykjavík, hlotnast þessi heiðursverðlaun fyrir framlag sitt til sárameðferðar.
Á ráðstefnunni var Guðbjörg kölluð upp og henni afhentur blómvöndur af því tilefni. Guðbjörg hafði ekki hugmynd um að þetta stæði fyrir dyrum og kom það henni því skemmtilega á óvart.
Guðbjörg Pálsdóttir mun verða viðstödd aðalfund dönsku sárasamtakana þann 18 nóvember n.k. þar sem henni verða veitt þessi heiðursverðlaun.
TIL HAMINGJU GUÐBJÖRG !
Þátttaka á ráðstefnunni sem haldin var s.l. föstudag, fór fram úr björtustu vonum. Þátttakendur voru kringum 150 manns.
Stjórn SumS þakkar öllum fundargestum kærlega fyrir þennan mikla áhuga og sést það berlega hve mikil þörf er á fræðslu um sár og sárameðferð. Verður það stjórn SumS hvatning til að halda áfram og gera betur.
Í stað þess að dreifa fyrirlestrum á ráðstefnunni var ákveðið að birta þá á heimasíðunni. Fyrstu fjórir fyrirlestrarnir eru komnir inn undir “Fræðsluefni” hér til vinstri á síðunni og hinir tveir verða síðan settir inn eftir helgi.
Í lok ráðstefnunnar var spjallsvæði heimasíðu SumS opnað.
Minnt skal á að hver fyrirlestur er eign þess aðila sem flutti hann og eru þeir eingöngu ætlaðir til fróðleiks en ekki til notkunar við kennslu nema að fengnu leyfi höfundar.